Blogger Widgets

Tuesday, April 16, 2013

မြတ်ဗုဒ္ဓမိန့်တော်မူခဲ့သော သံဃာတော်များ လူထွက်ရခြင်းအကြောင်း(၄)ချက်


အရှင်ဘုရား သံဃာတော်တွေ လူထွက်သွားကြတာ ဘာကြောင့်ပါလဲလို့ ခဏခဏ လာမေးနေကြတဲ့သူတွေအတွက် မြတ်ဗုဒ္ဓမိန့်တော်မူခဲ့တာကို ဦးဇင်းဒေါက်တာကျမ်းစာအတွက် ရဟန်းတော်များနဲ့ဆိုင်ရာ ရှာဖွေရင်း ကျမ်းအထောက်အထားပါ တွေ့ရှိတာနဲ့ ရေးသားပေးလိုက်ပါတယ်။

၁။ ရဟန်းနဲ့ဆိုင်ရာများ ဆိုဆုံးမသည်ကို မလိုက်နာနိုင်သောကြောင့်လည်းကောင်း၊
၂။ စားချင်၊ ၀တ်ချင်၊ သုံးဆောင်ချင်တာများမရဘဲ မစားချင်၊ မ၀တ်ချင်၊ မသုံးဆောင်ချင်တာများ သုံးဆောင်ရလို့လည်းကောင်း။
၃။ သူများ ကာမဂုဏ်ငါးပါးခံစားသည်ကိုမြင်ပြီး ခံစားချင်စိတ်ဖြစ်သောကြောင့်လည်းကောင်း၊
၎။ လုံခြုံစွာ ၀တ်ဆင်မထားသော မိန်းမတွေမြင်ပြီး ကာမစိတ် မထိန်းနိုင်လို့လည်းကောင်း သာသနာဘောင်မှ လူ့ဘောင်သို့ ကူးပြောင်းသွားကြရခြင်း ဖြစ်ပေသည်။ (မဇ္ဈိမပဏ္ဏာသပါဠိတော်၊ ဘိက္ခုဝဂ်၊ စာတုမသုတ်၊ (မ၊ ၂၊ ၁၁၉)

မြတ်ဗုဒ္ဓလက်ထက်ကတောင် ဒီအချက်တွေကြောင့် လူထွက်ကြတယ်ဆိုတော့ ဒီဘက်ခေတ်မှာ စောင့်ထိန်းဖို့ ခက်လာတဲ့ ရဟန်းစည်းကမ်းတွေကလည်း ရှိနေ၊ စားစရာကလည်း မျိုးစုံ၊ ၀တ်ချင်စရာကလည်း မျိုးစုံ၊ သုံးဆောင်ချင်စရာ ပစ္စည်းတွေကလည်း မျိုးစုံဖြစ်နေ၊ ကာမဂုဏ်ခံစားမှုတွေနဲ့ပတ်သတ်ပြီးတော့လည်း ဖြစ်ပျက်နေတာတွေက နေရာတကာမှာ မျိုးစုံဖြစ်နေ၊ လုံခြုံစွာ ၀တ်ဆင်မထားတဲ့ မိန်းမတွေက ပေါများနေတဲ့ခေတ်ဆိုတော့ သာသနာဘောင်ဝင်ရောက်မဲ့လူ နည်းလာနေတာ အမှန်ပါ။

ဒါပြင် အဆိုးဆုံက သာသနာဘောင်ရောက်လာပြီး သာသနာထိခိုက်အောင် လုပ်နေတဲ့သူတွေကလည်း ရှိနေပြန်တယ်။ သာသနာဘောင်မှာ ကောင်းကောင်းမွန်မွန် နေနိုင်တဲ့သူတွေကျပြန်တော့လည်း အထက်ပါ(၄)ချက်ထဲက တစ်ချက်ချက်ကြောင့် လူထွက်သွားကြပြန်ရော။ အဲဒီတော့ သာသနာဘောင်ရှိနေတဲ့ သံဃာများအနေနဲ့ မြတ်ဗုဒ္ဓတည်ထောင်ခဲ့တဲ့ သာသနာ ယုတ်လျော့မသွားဘဲ ထပ်ဆင့်တိုးပွားပြီးပဲနေအောင် မိမိစိတ်ကို ထိန်းနိုင်ပါမှ တော်ပေမည်။ ဒကာ၊ ဒကာမတွေလည်း တက်နိုင်သမျှ သာသနာအတွက် အမှန်အကန် အကျိုးများအောင် လုပ်မဲ့သံဃာတော်များကို ၀ိုင်းဝန်းကူညီစောင့်ရှောက်ပေးကြဖို့ လိုပါတယ်။ အမှန်အကန်သမားတွေမဟုတ်တာကို သွားလှူနေပြီး အမှန်အကန်သမားဖြစ်မဲ့ ကိုရင်၊ ရဟန်းလေးတွေကို လျစ်လျူရှု့ ပစ်ထားမယ်ဆိုရင်တော့ အနာဂတ်မျိုးဆက်သစ်များဟာ နံပါတ်(၂)အချက်ကြောင့်လည်း သာသနာဘောင်ကနေ လျှော့သွားနိုင်ပါတယ်။ အဲဒီတော့ ဆရာဒကာ လက်တွဲညီမှ သာသနာပြန့်ပွားမှာမို့ ဆရာဖြစ်တဲ့ သံဃာတော်တွေကလည်း မိမိစိတ်ကိုနိုင်အောင်ထိန်းပြီး ဒကာ၊ ဒကာမတွေကလည်း တက်နိုင်သမျှ ၀ိုင်းဝန်းကူညီပေးကြမှသာ မြတ်ဗုဒ္ဓ လေးသင်္ချေနဲ့ကမ္ဘာတစ်သိန်း၊ (၄၅)နှစ်အတွင်း တစ်ရက်မှ (၂)နာရီလောက်သာ အနားယူပြီး ပင်ပန်းခံ တည်ထောင်ပေးခဲ့တဲ့ သာသနာတော်ကြီးဟာ အဓွန့်ရှည်စွာ တည်တံ့ပြီးသကာလ အမြဲထာဝစဉ် တိုးတတ်ပြန့်ပွားနေပါလိမ့်မယ်။

အရှင်ကောမလ ဆန်နီနေမင်း

No comments:

Post a Comment