Blogger Widgets

Monday, April 15, 2013

ဇူကာဘဂ်ပြောတဲ့ အမေရိကားရဲ့ပညာစီးပွားရေး


ဖေ့စ်ဘွတ်ခ်တည်ထောင်သူ မက်ခ်ဇူကာဘဂ်ဟာ
image from telegraph.co.uk
အမေရိကားရဲ့လူဝင်မှုပေါ်လစီပြုပြင်ရေးမှာ တက်
ကြွစွာ ပါဝင်လာနေပါတယ်။ ဘာ့ကြောင့်ပါလဲ။ အဲ
ဒီအကြောင်း ယခုလ ၀ါရှင်တန်ပို့စ်သတင်းစာမှာ
ပါလာတဲ့ သူကိုယ်တိုင်ရေးသားတဲ့ ဆောင်းပါးကို ဖတ်ကြည့်ကြပါစို့။

ဒီနှစ်အစောပိုင်းက ကျွန်တော့်ပတ်ဝန်းကျင်မှာ စွန့်ဦးတီထွင်မှုနဲ့ပက်သက်တဲ့  ကျောင်းချိန်
နောက်ပိုင်း သင်တန်းတစ်ခုကို အလယ်တန်း
ကျောင်းသားကျောင်းသူများအတွက် ဖွင့်လှစ်
သင်ကြားပေးခဲ့ပါတယ်။ သူတို့က စီးပွားရေးအစီအစဉ်တွေ ဆွဲကြ၊ ကိုယ်ပိုင်ကုန်ပစ္စည်းတွေ ထုတ်လုပ်ကြ၊ ပြီးတော့ ရောင်းချတာတွေတောင်  လုပ်ခဲ့ကြပါတယ်။

တစ်ရက်တော့ သူတို့တက္ကသိုလ်တက်ဖို့ ဘယ်လိုစဉ်းစားထားလဲလို့ ကျွန်တော် မေးခဲ့ပါတယ်။  ကျောင်း
သားတစ်ယောက်က သူဟာ တရားမ၀င်နေထိုင်နေတာဖြစ်လို့ ကောလိပ်သွားဖို့ မသေချာဘူးလို့ ဖြေပါ
တယ်။ သူ့မိသားစုက မက်ဆီကိုက ဖြစ်ပြီး သူကလေးဘ၀ကတည်းက ဒီကို ရွှေ့လာတာ ဖြစ်ပါတယ်။ ကျွန်
တော့်ပတ်ဝန်းကျင်က ကျောင်းသားများစွာဟာ အလားတူအခြေအနေကို ကြုံတွေ့နေရတယ်ဆိုတာ ကျွန်
တော် သိလိုက်ရပါတယ်။ သူတို့တွေ လူမှန်းမသိကတည်းက အမေရိကားကို ရောက်လာခဲ့တာဖြစ်လို့ အ
ခြားမှာ နေထိုင်ဖူးတယ်ဆိုတဲ့ မှတ်ဥာဏ်မျိုး မရှိကြပါဘူး။

သူတို့တွေဟာ ဥာဏ်ကောင်းတယ်၊ ပြီးတော့ အလုပ်လည်း ကြိုးစားကြတယ်။ သူတို့ဟာ ကျွန်တော်တို့အ
နာဂတ်ရဲ့ တစ်စိတ်တစ်ပိုင်း ဖြစ်သင့်ပါတယ်။ နောက်ဆုံးတော့ ဒါဟာ အမေရိကန်ပုံပြင်ပါပဲ။ ကျွန်တော့်ရဲ့
အဘိုးအဘွားများရဲ့မိဘများဟာ Ellis ကျွန်းကနေ လာခဲ့ပါတယ်။ ( အထက်နယူးယောက်ပင်လယ်အော်ရှိ
Ellis ကျွန်းဟာ အမေရိကားသို့ ရွှေ့ပြောင်းလာသူသန်းပေါင်းများစွာအတွက် ၁၈၉၂ ကနေ  ၁၉၂၄ အထိ ဂိတ်ပေါက်ကြီး ဖြစ်ခဲ့ပါတယ်။) ကျွန်တော့်အဘိုးတွေဟာ စာပို့သမားနဲ့ရဲအရာရှိတွေ ဖြစ်ပါတယ်။ ကျွန်
တော့်မိဘတွေကတော့ ဆရာဝန်တွေပါ။ ကျွန်တော်ကိုယ်တိုင်ကတော့ ကိုယ်ပိုင်စီးပွားရေးလုပ်ငန်း (ဖေ့စ်
ဘွတ်ခ်) ကို တည်ထောင်ခဲ့တယ်။

ဒါတွေဟာ ကျွန်တော်တို့ကို လက်ကမ်းကြိုဆိုနေတဲ့ လူဝင်မှုပေါ်လစီ၊ ကောင်းမွန်တဲ့ ပညာရေးစနစ်နဲ့ အင်
တာနက်ကို ဖန်တီးခဲ့တဲ့ ကမ္ဘာ့အကောင်းဆုံးဆိုင်းရန့်စ်အသိုက်အ၀န်းတို့ မရှိဘဲနဲ့ ဘယ်လိုမှ ဖြစ်မလာ
နိုင်ပါဘူး။ ဒီနေ့ကျောင်းသားတွေမှာလည်း တူညီတဲ့ အခွင့်အရေးတွေ ရှိသင့်ပါတယ်။ ဒါပေမဲ့ ကျွန်တော့်
တို့ရဲ့စနစ်ကြီးက သူတို့ကို ပိတ်ပင်ထားတယ်။ ရွှေ့ပြောင်းနိုင်ငံသားတွေရဲ့နိုင်ငံမှာ ထူးဆန်းတဲ့ ရွှေ့
ပြောင်းပေါ်လစီရှိနေတယ်။ ဒီနေ့ကမ္ဘာကြီးနဲ့ မကိုက်ညီတဲ့ ပေါ်လစီကြီးပါ။

ပြီးခဲ့တဲ့ ရာစုနှစ်က စီးပွားရေးဟာ သဘာဝအရင်းအမြစ်များ၊ စက်မှုကိရိယာများနဲ့ ကာယအလုပ်တွေအ
ပေါ် အဓိက မှီတည်ခဲ့တယ်။ အဲဒီအရင်းအမြစ်တွေများစွာဟာ ယှဉ်ပြိုင်မှု ပြင်းထန်ပြီး စီးပွားရေးလုပ်ငန်း
တွေက လက်ဝါးကြီးအုပ်ထားခဲ့ပါတယ်။ တစ်ယောက်ယောက်က ရေနံထုတ်လုပ်ရောင်းချရေးမှာ လက်ဝါး
ကြီးအုပ်ထားရင် ခင်ဗျား လက်ရှောင်နေဖို့ပဲ ရှိတယ်။ ဒါ့ကြောင့် လူတိုင်းချမ်းသာဖို့ဆိုရင် ရေနံတွင်းတွေ အများကြီးရှိုဖို့ လိုတယ်မဟုတ်ပါလား။

ဒီနေ့စီးပွားရေးကတော့ အဲလိုမဟုတ်ပါဘူး။ ဒီနေ့စီးပွားရေးက အသိပညာအတတ်ပညာနဲ့ စိတ်ကူးအ
တွေးအခေါ်တွေအပေါ် အဓိက အခြေခံထားပါတယ်။ အဲဒါတွေက လူတိုင်းလက်လှမ်းမီတဲ့၊ အမြဲတမ်းလည်း
အသစ်ဖြစ်ပေါ်နေတဲ့ အရင်းအမြစ်တွေပါ။ ရေနံတွင်းတွေနဲ့ မတူတာက ခင်ဗျားက တစ်ခုခုကို သိရှိနေတာ
ဟာ နောက်တစ်ယောက်ရဲ့သိရှိခွင့်ကို မပိတ်ပင်နိုင်တာပါ။ အမှန်တကယ်တော့ လူတွေကြား သိမြင်လေ့
လာမှုများလေ၊ လေ့ကျင့်သင်ကြားမှု ကောင်းလေ၊ ကျွန်တော်တို့တွေ ပိုမိုကုန်ထုတ်နိုင်စွမ်း တိုးတက်ပြီး လူ
တိုင်း ချမ်းသာကြီးပွားနိုင်ပါတယ်။ 

ဒါက အရာအားလုံးကို ပြောင်းလဲစေနိုင်ပါတယ်။ ပညာစီးပွားရေးမှာ အရေးကြီးဆုံးအရင်းအမြစ်တွေက ကျွန်
တော်တို့ နိုင်ငံက ဆွဲဆောင်နိုင်ပြီး ပညာသင်ပေးနိုင်တဲ့ ထူးချွန်ထက်မြက်သော လူသားတွေ ဖြစ်ပါတယ်။ ပညာစီးပွားရေးက ပိုမိုအဆင့်မြင့်ပြီး ကောင်းမွန်တဲ့ အလုပ်အကိုင်တွေ ဖန်တီးပေးနိုင်တဲ့အတွက် လူတိုင်း
ကို မြင့်မားတဲ့ လူနေမှုအဆင့်အတန်းကို ရရှိစေမှာ ဖြစ်ပါတယ်။

ကမ္ဘာကို ထိုကဲ့သို့သော စီးပွားရေးအသစ်ဖြင့် ဦးဆောင်ရန်မှာ ကျွန်တော်တို့ဟာ အထူးချွန်ဆုံးနဲ့ အလုပ်
အကြိုးစားဆုံးလူတွေ လိုအပ်ပါတယ်။ အကောင်းဆုံးလူသားတွေကို ဆွဲဆောင်ပြီး လေ့ကျင့်သင်ကြားပေး
ရန် လိုအပ်ပါတယ်။ အထက်ပါအလယ်တန်းကျောင်းသားတွေကို အနာဂတ်ရဲ့ခေါင်းဆောင်တွေအဖြစ် လို
အပ်ပါတယ်။ 

ဒါဆိုရင် ဘာဖြစ်လို့ အမေရိကန်နိုင်ငံသားမဟုတ်တဲ့ ၄၀ % သော သချာင်္နဲ့ဆိုင်းရန့်စ်ဘွဲ့ရတွေကို ဘွဲ့ရ
ပြီးတဲ့အခါ ကျွန်တော်တို့ နှင်ထုတ်ပစ်နေရတာလဲ။ ဘာ့ကြောင့် ထူးချွန်တဲ့ ပညာရှင်တွေအတွက် H-1B ဗီ
ဇာတွေကို နည်းပါးစွာ ထုတ်ပေးနေရတာလဲ။ ဘာ့ကြောင့် လုပ်ငန်းစတင်ပြီး အလုပ်အကိုင်တွေ ဖန်တီးပေး
မဲ့ စွန့်ဦးတီထွင်သူတွေကို နိုင်ငံတွင်းကို ခြေချခွင့်မပေးရတာလဲ။

ကျွန်တော်တို့ ချဉ်းကပ်မှုအသစ်လိုအပ်ပါတယ်။ ထိုအထဲမှာ
(၁) ပြည့်စုံလုံလောက်တဲ့ လူဝင်မှုပေါ်လစီအသစ် (နယ်စပ်လုံခြုံရေးကစပြီး ဘယ်နေရာမှာ မွေးဖွားခဲ့သည်
ဖြစ်စေ၊ ထူးချွန်ထက်မြက်အလုပ်ကြိုးစားတဲ့ ရွှေ့ပြောင်းလာသူတွေကို နိုင်ငံသားဖြစ်ခွင့်ရရှိစေဖို့အထိ)၊
(၂) ကျောင်းများမှာ ပိုမိုမြင့်မားတဲ့ စံနှုန်းများနဲ့ ယုံကြည်စိတ်ချနိုင်မှု၊ ဆရာကောင်းများ၊ ဆိုင်းရန့်စ်၊ နည်း
ပညာ၊ အင်ဂျင်နီယာနဲ့သချာင်္ဘာသာရပ်များမှာ ပိုမိုအာရုံစိုက်ရန်၊
(၃) လူတစ်စုအတွက်သာမဟုတ်ဘဲ လူထုအတွက် အကျိုးရှိမဲ့ သုတေသနအမျိုးမျိုးနဲ့ ပက်သက်တဲ့ တွေ့
ရှိချက်တွေမှာ ရင်းနှီးမြုပ်နှံရန် တို့ ပါဝင်ပါတယ်။

ဒီလိုအပြောင်းအလဲတွေက သူတို့ဘာသာ ဖြစ်လာမှာမဟုတ်ပါဘူး။ ဒါ့ကြောင့် ကျွန်တော်တို့ရဲ့ FWD.us
ဆိုတဲ့ အဖွဲ့အစည်းကို မွေးဖွားလိုက်တာပါ။ ၎င်းမှာ နိုင်ငံရဲ့ နည်းပညာအသိုက်အ၀န်းက ခေါင်းဆောင်တွေ
ပါဝင်ပြီး အထက်ပါကိစ္စရပ်များမှာ အာရုံစိုက်ကာ ပါတီနှစ်ခုစလုံးပါဝင်တဲ့ ပေါ်လစီအစီအစဉ်ကို ထောက်ခံ
အားပေးသွားမှာ ဖြစ်ပါတယ်။ ထိုပေါ်လစီအစီအစဉ်က အမေရိကားမှာ ပိုမိုတဲ့ အလုပ်အကိုင်တွေ၊ တီထွင်မှု
တွေ၊ ရင်းနှီးမြုပ်နှံမှုတွေနဲ့ ပညာစီးပွားရေးကို တည်ဆောက်နိုင်စေမှာ ဖြစ်ပါတယ်။

ထိုစီးပွားရေးအနေအထားပြောင်းလဲမှုကနေ အကျိုးရရှိခဲ့တဲ့ ခေါင်းဆောင်တွေအနေနဲ့ ကျွန်တော်တို့ဟာ
အတူတကွ အလုပ်လုပ်ပြီး ကျွန်တော်တို့လူအဖွဲ့အစည်းက လူတိုင်း ထိုခေတ်မီပညာစီးပွားရေးကနေ အ
ကျိုးအမြတ်တွေ ခွဲဝေရရှိစေဖို့ တာဝန်ရှိတယ်လို့ ခံယူထားပါတယ်။ ကျွန်တော်တို့ဟာ ပါတီနှစ်ခုစလုံးက
ကွန်ဂရက်အဖွဲ့ဝင်တွေ၊ အုပ်ချုပ်ရေး၊ ပြည်နယ် ဒေသန္တရအရာရှိတွေနဲ့ ပူးပေါင်း အလုပ်လုပ်ကြပါမယ်။ အင်တာနက်မှာကော အပြင်မှာပါ ပေါ်လစီအပြောင်းအလဲအတွက် တိုက်တွန်းအားပေးမှုကို တည်ဆောက်
ကြပါမယ်။  ၀ါရှင်တန်မှာ ထိုအပြောင်းအလဲတွေ ဖြစ်ပေါ်ဖို့ ကြိုးပမ်းတဲ့ လူတိုင်းကို ခိုင်မာစွာ ထောက်ခံပေး
သွားမှာလည်း ဖြစ်ပါတယ်။

အမေရိကန်ပြည်တစ်လွှား ကော်ဖီဆိုင်တွေ၊ ကျောင်းအဆောင်တွေနဲ့ ကားဂိုထောင်တွေမှာ တီထွင်ဖန်တီး
နိုင်စွမ်းရှိတဲ့၊ အလုပ်ကြိုးစားတဲ့ လူသားတွေဟာ လာမဲ့နှစ်ရဲ့ စီးပွားရေးဖွံ့ဖြိုးတိုးတက်မှုကို ဖန်တီးနေပါ
တယ်။ ကျွန်တော်တို့အနာဂတ်ဖြစ်တဲ့ ပညာစီးပွားရေးကို ထွေးပွေ့ကာ သူတို့ကို ကူညီပြီး ကျွန်တော်တို့
ရဲ့ အညွှန့်အတက်တွေကို ဝေဖြာစေလိုက်ရအောင်ပါ။

No comments:

Post a Comment